Gwefan llywodraeth y DU

Cynllun PETS

Mae'r cynllun wedi'i gynllunio i rwystro'r gynddaredd (rabies) ac afiechydon eraill rhag lledaenu, ond gan adael i anifeiliaid deithio yr un pryd.

Nid oes achos o'r gynddaredd wedi bod yn y DU ers blynyddoedd lawer, ond mewn rhai gwledydd mae'r clefyd yn dal i beri risg i famolion. Mae'n rhaid i bob anifail a all ddal y gynddaredd ac sy'n dod i'r DU dreulio chwe mis mewn cwarantîn, oni bai eu bod yn cyrraedd dan y Cynllun Teithio Anifeiliaid Anwes ac yn cydymffurfio â holl amodau'r cynllun hwnnw.

Mae'r gwledydd sy'n cymryd rhan yn y cynllun PETS yn cynnwys y rhan fwyaf o Ewrop a nifer o gyrchfannau y tu allan i Ewrop. Holwch Adran yr Amgylchedd, Bwyd a Materion Gwledig (Defra) i gael gwybod beth yw'r sefyllfa ar hyn o bryd a beth yw'r drefn lawn ar gyfer paratoi eich anifail anwes.

I fod yn gymwys, mae'n ofynnol bod eich cath, eich ci neu'ch ffured:

• yn cael microsglodyn
• yn cael pigiad rhag y gynddaredd (rabies)
• yn aros 21 diwrnod ar ôl dyddiad eu pigiad gyntaf ar gyfer y gynddaredd cyn teithio i wlad arall yn y Gymuned Ewropeaidd
• heb fod yn unrhyw wlad na thiriogaeth nad ydynt wedi'u cymeradwyo am o leiaf chwe mis cyn iddynt ddod i'r DU neu ddychwelyd i'r DU

Mae hefyd yn ofynnol bod cathod a chŵn:

• yn cael prawf gwaed gan labordy wedi'i gymeradwyo gan yr Undeb Ewropeaidd a bod canlyniad y prawf hwnnw'n foddhaol
• yn aros chwe mis calendr ar ôl y dyddiad y cymerwyd y sampl gwaed boddhaol cyn dychwelyd i'r DU

Rhaid i chi hefyd sicrhau bod eich anifail anwes:

• yn cael pasport anifeiliaid anwes gan eu milfeddyg
• yn cael triniaeth gan filfeddyg i atal llyngyr a throgod, dim llai na 24 awr a dim mwy na 48 awr cyn mynd at gludydd a gymeradwyir gan PETS er mwyn cael ei gludo'n ôl i'r Deyrnas Unedig
• yn teithio i'r DU ar lwybr wedi'i gymeradwyo gan PETS naill ai dros y môr, ar awyren neu ar drên

• Mynd ar wefan PETS i gael manylion am y Cynllun Teithio i Anifeiliaid Anwes Opens new window
• Rhestr o gludwyr a llwybrau a gymeradwywyd gan PETS Opens new window
• Gwledydd y Gymuned Ewropeaidd sy'n rhan o PETS Opens new window
• Gwledydd nad ydynt yn y Gymuned Ewropeaidd sy'n rhan o PETS Opens new window
• Gwybodaeth gan Defra am atal y gynddaredd Opens new window

Cyn i chi fynd

Rhaid i chi drefnu'ch taith ddwyffordd i'r DU gydag un o'r nifer o gludwyr a gymeradwyir gan PETS, ar lwybr a gymeradwyir gan PETS. Mae'r llefydd sydd ar gael yn gyfyngedig ac fe'u dyrennir ar sail y cyntaf i'r felin. Rhaid i chi drefnu ymlaen llaw - os na fyddwch yn gwneud hynny ni chaiff eich anifail anwes deithio.

Gofalu am eich anifail anwes wrth deithio

Gall yr awgrymiadau hyn wneud taith eich anifail anwes mor gyffyrddus â phosib:

• gwnewch yn siŵr bod eich anifail anwes mor heini ac iach ag y bo modd fel y gall wrthsefyll y siwrnai
• rhowch bryd ysgafn o fwyd i'ch anifail anwes tua dwy awr cyn iddo deithio
• rhowch gyfle i'ch anifail anwes fynd i'r toiled cyn iddo gael ei roi yn y gawell y bydd yn cael ei gludo ynddi
• rhowch gyfle i'ch anifail anwes ymgyfarwyddo â'r gawell cyn y daith
• dylai fod digon o aer yn y gawell y bydd eich anifail anwes yn cael ei gludo ynddi, dylai'r gawell fod yn ddiogel gyda digon o le i'r anifail symud, a dylai gynnwys cynwysyddion bwyd - rhai y gellir eu hail-lenwi'n hawdd ar siwrnai hir - er mwyn sicrhau bod yr anifail yn cael digon o fwyd a dŵr
• rhowch glustog neu flanced gyfarwydd yn y gawell er mwyn helpu'ch anifail i setlo

I gael rhagor o wybodaeth am iechyd anifeiliaid anwes, ewch i wefan Defra.

• Cyngor gan Defra ynghylch gofalu am eich anifail anwes wrth deithio Opens new window

Dychwelyd i’r DU

Wrth ddychwelyd i'r DU, bydd y staff trafnidiaeth yn edrych ar basport eich anifail anwes er mwyn sicrhau bod gofynion y cynllun wedi cael eu bodloni. Os oes gwaith papur ar goll neu os nad yw'ch anifail anwes wedi cael ei baratoi'n gywir, gellid mynd ag ef i gwarantîn yn y DU neu ei ddychwelyd i'r wlad y mae newydd ddod ohoni.

Teithio â chŵn cymorth cofrestredig

Mae'r Gymdeithas Cŵn Tywys i Bobl Ddall, mewn partneriaeth â mudiadau eraill sy'n ymwneud â chŵn cymorth yn y Deyrnas Unedig, Defra, a nifer o gwmnïau hedfan yn y DU, wedi cynhyrchu cyfres o ganllawiau i berchnogion cŵn cymorth cofrestredig sy'n dymuno defnyddio'r Cynllun Teithio Anifeiliaid Anwes.

Fel arfer, mae'n rhaid i anifeiliaid anwes sy'n dod i'r Deyrnas Unedig ar awyrennau dan y Cynllun Teithio Anifeiliaid Anwes gael eu cario yn howld yr awyren. Fodd bynnag, ceir eithriad yn y cynllun er mwyn caniatáu i gŵn tywys neu gŵn cymorth eraill deithio yn y caban gyda'u perchnogion, ar lwybrau penodol sydd wedi'u cymeradwyo.

Mae'r adran pobl anabl yn rhoi mwy o wybodaeth am gŵn tywys hefyd.

• Llwybrau a chludwyr cŵn cymorth wedi'u cymeradwyo gan PETS Opens new window
• Mynd â chŵn cymorth cofrestredig dramor Opens new window
• Teithio mewn awyren os ydych chi'n ddall neu â nam ar eich golwg (adran pobl anabl)
• Teithio mewn awyren os ydych chi'n fyddar neu'n drwm eich clyw (adran pobl anabl)