Gwefan llywodraeth y DU

Gwasanaethau fferi

Mae gwasanaethau fferi rhyngwladol yn rhedeg o borthladdoedd y DU i Ffrainc, Gweriniaeth Iwerddon, Sbaen, Gwlad Belg, Sgandinafia a'r Iseldiroedd.

Ceir gwasanaethau fferi lleol hefyd sy'n rhedeg i Ynysoedd y Sianel, Ynysoedd y Scilly, Ynys Manaw ac Ynysoedd yr Alban.

I ddod o hyd i wasanaeth fferi ar gyfer siwrnai o'r DU i wlad arall, gallech geisio rhoi 'UK ferry service' a'r lleoliad sydd gennych dan sylw mewn peiriant chwilio. Dylai hyn ddangos gwefannau darparwyr gwasanaeth ynghyd â llwybrau gwahanol.

I deithio o fewn y DU, gall y Cynlluniwr Taith awgrymu amrywiaeth o lwybrau gyda char neu ar drafnidiaeth gyhoeddus, gan gynnwys gwasanaethau fferi a chychod afon pan fydd yn berthnasol.

• Cynlluniwr taith

Cychod cymudo ar afon

Ceir gwasanaethau cymudo ar afon yn:

Gallwch ddod o hyd i ragor o fanylion ac amserlenni ar gyfer gwasanaethau ar wefannau TFL a Mersey Ferry.

• Gwasanaethau afon Llundain – TFL Opens new window

• Gwasanaethau ac amserlenni – Mersey Ferries Opens new window

Cyfrifoldeb dros ddyfrffyrdd Prydain

Yng Nghymru a Lloegr, mae gan Gangen Dyfroedd Mewndirol yr Adran Forol a Dyfrffyrdd o fewn Defra gyfrifoldeb cyffredinol dros y dyfrffyrdd. Yn yr Alban, Gweithrediaeth yr Alban sy'n gyfrifol am hynny.

Mae gwefan Defra yn rhoi eglurhad manwl o bolisïau'r llywodraeth ar gyfer dyfrffyrdd mewndirol yng Nghymru a Lloegr a sut y gofelir am y dyfrffyrdd.

• Gwybodaeth am ddyfrffyrdd mewndirol Prydain – Defra Opens new window

Cymdeithas Awdurdodau Mordwyo Mewndirol (AINA)

AINA yw'r corff diwydiannol ar gyfer holl ddyfrffyrdd ledled y DU.

Dyma brif aelodau AINA:

• Dyfrffyrdd Prydain
• Asiantaeth yr Amgylchedd
• Awdurdod Broads

ynghyd â chynghorau lleol.

Mae gwefan AINA yn cynnwys PDF sy'n dangos pwy sy'n gyfrifol am wahanol ddyfrffyrdd ledled y DU.

• Gweld pwy sy'n rheoli eich dyfrffordd leol (PDF, 142K) Opens new window

• Cymorth gyda ffeiliau PDF

• Ymweld â gwefan AINA Opens new window

Eich dyfrffordd leol

Os hoffech gael gwybodaeth amgylcheddol am eich dyfrffordd leol neu os oes arnoch eisiau rhoi gwybod am ddyfrffordd sydd wedi'i llygru, gallwch ddod o hyd i wybodaeth fanwl drwy ddilyn y ddolen isod.

• Ansawdd amgylcheddol eich ardal (adran yr amgylchedd a byw'n wyrdd)

Llogi cwch

Os byddwch yn penderfynu llogi cwch i deithio – p'un ai a oes arnoch eisiau cwch hwylio mawr ynteu gwch camlas – bydd angen i chi wybod sut mae ei hwylio'n ddiogel. Mae Dyfrffyrdd Prydain wedi cyhoeddi taflen ar God y Dyfrffyrdd, sy'n ymdrin â chanllawiau diogelwch sylfaenol ar gyfer y rheini sy'n anghyfarwydd â hwylio. Gallwch lwytho'r daflen i lawr oddi ar wefan Dyfrffyrdd Prydain.

Mae gwefan Dyfrffyrdd Prydain hefyd yn cynnwys adran ar hwylio er mwynhad ar gamlesi, afonydd a llynnoedd Prydain.

• Llwytho taflen Cod y Dyfrffyrdd – Dyfrffyrdd Prydain (PDF, 236 K) Opens new window

• Cymorth gyda ffeiliau PDF

• Canllaw Dyfrffyrdd Prydain i Gychwyr Opens new window