Gwefan llywodraeth y DU

Cyflwyno'ch cwyn

Os oes gennych gŵyn am wasanaeth neu siwrnai rheilffordd, y cam cyntaf yw cysylltu â'r cwmni sy'n rhedeg y lein, y trên neu'r orsaf dan sylw. Gellir datrys y rhan fwyaf o gwynion yn y lle cyntaf drwy ddelio'n uniongyrchol â’r cwmni sy’n gyfrifol.

Ceisiwch gysylltu â rhywun cyn gynted ag y bo modd, un ai trwy:

• siarad ag aelod o'r staff ar y trên
• siarad ag aelod o'r staff yn yr orsaf y byddwch yn gadael ohoni neu'n gorffen eich taith ynddi

Mynd â'r mater ymhellach

Os na allwch gysylltu â rhywun ar unwaith neu eich bod angen mynd â'ch cwyn ymhellach, gwell fyddai nodi eich cwyn ar bapur. Dylech gynnwys prawf o'ch siwrnai gyda’ch llythyr (megis tocyn neu dderbynneb) os bydd hynny'n bosib. Mae’n syniad da cael prawf o bostio ar gyfer eich llythyr cwyno a chadw llungopi o'r holl ddogfennau y byddwch yn eu hanfon.

• Cael gwybod pwy sy'n rhedeg y lein neu'r orsaf Opens new window

Cael cefnogaeth ar gyfer eich cwyn

Os byddwch yn dal yn anhapus gydag ymateb y cwmni trenau, gallwch ofyn i Passenger Focus fynd ar ei ôl. Corff annibynnol cyhoeddus a sefydlwyd i warchod buddiannau teithwyr ar reilffyrdd Prydain yw Passenger Focus, a bydd yn adolygu eich cwyn ac yna'n barnu a gafodd ei drin yn briodol.

Mae Passenger Focus hefyd yn:

• cynnig cyngor a chymorth i deithwyr ar drenau am sut i gael y gorau o wasanaethau trên
• esbonio hawliau teithwyr pan fydd pethau'n mynd o chwith
• cyfryngu mewn cwynion nad yw'r cwmnïau trên yn gallu'u datrys
• cyhoeddi adroddiadau ac ymchwil ar wasanaethau trên
• pwyso am welliannau i wasanaethau
• siapio datblygiad polisi, gweithdrefnau a rheoliadau'r rheilffyrdd
• yn cyhoeddi adroddiadau ac ymchwil ynghylch gwasanaethau rheilffyrdd

Os bydd Passenger Focus yn teimlo y dylai'r cwmni trenau fod wedi gwneud mwy, gall gyflwyno cwyn i'r cwmni trenau ar eich rhan.

• Gwefan Passenger Focus Opens new window

Cwynion yn ymwneud ag anafiadau

Os oes gennych gŵyn sy'n ymwneud ag anaf a ddioddefoch ar drên neu mewn gorsaf, mae'n hanfodol eich bod yn cysylltu â rhywun sy'n gysylltiedig â'r trên neu'r orsaf ar unwaith.