Gwefan llywodraeth y DU

Pwy all ddefnyddio'r ffurflen ar-lein

Gallwch ddefnyddio'r ffurflen ar-lein i wneud cais am unrhyw fath o basbort unigol yn y DU.

Nid yw'r ffurflen gais ar-lein yn addas ar gyfer:

• cwsmeriaid sy'n byw oddi allan i'r DU
• cwsmeriaid sydd angen eu pasbort o fewn pedair wythnos
• cwsmeriaid sydd angen pasbort cyfunol (grŵp)

Os ydych chi'n byw oddi allan i'r DU bydd angen i chi drefnu apwyntiad i chi eich hun fynd i wneud cais mewn Swyddfa Basbort Ranbarthol. Gallwch wneud hyn drwy ffonio Llinell Gymorth 24 awr y Gwasanaeth Hunaniaeth a Phasbortau ar 0300 222 0000. Neu fe allwch wneud cais drwy is-genhadaeth y DU yn y wlad yr ydych yn byw ynddi. Gallwch weld hyn ar wefan y Swyddfa Dramor a Chymanwlad.

Os oes arnoch angen eich pasbort o fewn pedair wythnos dylech edrych ar y gwasanaethau y nodir yn ‘Amserlen ar gyfer ceisiadau am basbortau’.

I gael gwybodaeth am basbortau cyfunol, dilynwch y ddolen i 'Pasbort cyfunol (neu grŵp)'

• Dechrau'r ffurflen gais ar-lein Opens new window

• Dod o hyd i lysgenadaethau ac is-genadaethau'r DU o amgylch y byd Opens new window

• Amserlen ar gyfer ceisiadau am basbortau

• Pasbortau cyfunol (grŵp)

Cyfarwyddiadau ar gyfer llenwi'r ffurflen ar-lein

Mae'r ffurflen yn cynnwys help a chyfarwyddiadau manwl ar bob cam.

Pan fyddwch wedi llenwi a chyflwyno'r ffurflen, caiff ei hanfon ar-lein i'r Gwasanaeth Hunaniaeth a Phasbortau. Yna, bydd y Gwasanaeth Hunaniaeth a Phasbortau'n ei hargraffu ac yn ei phostio atoch. Dylech wneud yn siŵr bod eich manylion yn gywir cyn llofnodi'r ffurflen a'i dychwelyd i'r Gwasanaeth Hunaniaeth a Phasbortau gyda'ch lluniau ac unrhyw ddogfennau ategol eraill y mae eu hangen ar gyfer eich cais.

Os hoffech weld pa ddogfennau ategol y mae angen i chi eu darparu, dilynwch y ddolen isod ar gyfer y math o gais yr ydych yn ei wneud.

• Y ffurflen gais, y ffi a'r dogfennau ategol ar gyfer pasbort oedolyn cyntaf

• Y ffurflen gais, y ffi a'r dogfennau ategol ar gyfer adnewyddu pasbort oedolyn

• Y ffurflen gais, y ffi a'r dogfennau ategol ar gyfer cael pasbort plentyn

• Cael pasbort newydd yn lle un sydd ar goll, wedi'i ddwyn neu wedi'i ddifrodi

• Y ffurflen gais, y ffi a'r dogfennau ategol ar gyfer newid enw ar basbort

Pam mae'r Gwasanaeth Hunaniaeth a Phasbortau'n argraffu'r ffurflen gais i chi

Ni fyddai safon ffurflen gais wedi'i hargraffu ar argraffydd desg cyffredin o gyfrifiadur cartref yn ddigon da. Mae'n debygol na fyddai modd defnyddio'ch ffurflen.

Pam nad yw'r cais i gyd yn cael ei wneud yn electronig

Mewn theori, yn ogystal ag anfon y manylion ar eich ffurflen gais dros e-bost, fe allech hefyd anfon lluniau digidol, dogfennau wedi'u sganio a'ch llofnod (naill ai wedi'i sganio neu'n electronig) i'r Gwasanaeth Hunaniaeth a Phasbortau. Fodd bynnag, nid yw'r gwasanaeth hwn ar gael am amryw o resymau, gan gynnwys:

• nid yw'r rhan fwyaf o beiriannau sganio cyffredin yn gallu anfon data digon cywir i offer arbenigol y Gwasanaeth Hunaniaeth a Phasbortau
• mae'r risg o dwyll, yn enwedig twyll dwyn manylion personol, yn uwch gyda lluniau digidol

• Dechrau'r ffurflen gais ar-lein Opens new window