Gwefan llywodraeth y DU

Os ydych yn dal i gael credydau treth

Os ydych yn dal i gael credydau treth, bydd y Swyddfa Credyd Treth yn lleihau eich taliadau parhaus er mwyn cael y swm a ordalwyd i chi'n ôl. Fodd bynnag, os nad ydych yn cael credydau treth bellach, neu os ydych wedi gwneud cais newydd ar ôl gwahanu oddi wrth eich partner, byddant yn gofyn i chi wneud taliad uniongyrchol - un taliad ar gyfer y swm llawn.

Lleihau eich taliadau

Os yw y Swyddfa Credyd Treth wedi talu gormod i chi yn ystod y flwyddyn dreth eleni, neu'r flwyddyn flaenorol, bydd y Swyddfa Credyd Treth yn lleihau eich taliadau parhau yn awtomatig nes byddwch wedi talu'r arian a ordalwyd i chi'n ôl.

Bydd y swm y bydd y Swyddfa Credyd Treth yn lleihau eich taliadau'n dibynnu ar p'un a ydych yn cael credydau treth yn llawn, neu ar gyfradd is. Mae y Swyddfa Credyd Treth yn gwneud y penderfyniad hwn ar sail y wybodaeth a roesoch iddynt am eich incwm. Os bydd eich incwm yn uchel, bydd eich taliadau credyd treth yn cael eu lleihau.

Edrychwch ar eich hysbysiad dyfarniad i weld a ydych yn cael credydau treth ar gyfradd is. Os ydych, dangosir hyn fel 'lleihad o ganlyniad i'ch incwm' yn rhan 2 - 'Sut yr ydym yn cyfrifo eich credydau treth'.

Oni ddangosir gostyngiad - oherwydd bod eich incwm yn isel, y swm uchaf y bydd y Swyddfa Credyd Treth yn ei gymryd o'ch taliadau fydd 10 y cant. Os byddwch yn cael gostyngiad - oherwydd bod gennych incwm eithaf uchel ac mai dim ond yr elfen deuluol o'r Credyd Treth Plant yr ydych yn ei gael, bydd y Swyddfa Credyd Treth yn cymryd hyd at 100 y cant o'ch taliadau parhaus yn ôl.

I bawb arall, bydd y Swyddfa Credyd Treth yn cymryd hyd at 25 y cant o'ch taliadau parhaus yn ôl.

Enghraifft 1

Ar hyn o bryd rydych yn cael yr uchafswm o gredydau treth heb ostyngiad o ganlyniad i'ch incwm. Roedd eich taliadau credyd treth yn £2,613 y flwyddyn, neu £50 yr wythnos. Bydd y Swyddfa Credyd Treth yn lleihau eich taliadau o 10 y cant - felly byddwch yn dal i gael 90 y cant o'ch arian. Bydd eich taliadau newydd yn £2,352 y flwyddyn, neu'n £45 yr wythnos.

Enghraifft 2

Ar hyn o bryd dim ond yr elfen deuluol o'r Credyd Treth Plant yr ydych yn ei chael gyda gostyngiad o ganlyniad i'ch incwm. Roedd eich taliadau credyd treth yn £545 y flwyddyn, neu'n £10.43 yr wythnos. Bydd y Swyddfa Credyd Treth yn lleihau eich taliadau o 100 y cant - felly ni fyddwch yn cael mwy o arian nes byddwch wedi talu'r gordaliad yn ôl.

Enghraifft 3

Ar hyn o bryd rydych yn cael Credyd Treth Plant a Chredyd Treth Gwaith gyda gostyngiad o ganlyniad i'ch incwm. Roedd eich taliadau credyd treth yn £1,046 y flwyddyn, neu'n £20 yr wythnos. Bydd y Swyddfa Credyd Treth yn lleihau eich taliadau o 25 y cant - felly byddwch yn dal i gael 75 y cant o'ch arian. Bydd eich taliadau newydd yn £784.50 y flwyddyn, neu'n £15 yr wythnos.

Os oes angen cymorth arnoch i ddeall sut caiff eich taliadau eu lleihau, ffoniwch y Llinell Gymorth Credyd Treth ar 0845 300 3900 neu'r ffôn testun 0845 300 3909.

Gallwch wneud taliadau ychwanegol os hoffech glirio eich gordaliad yn gynt. I wneud hyn ffoniwch Llinell Gymorth Taliad Credyd Treth ar 0845 302 1429.

Os yw eich taliadau llai yn achosi trafferthion ariannol i chi

Os na allwch fodloni eich costau byw hanfodol fel rhent, biliau nwy neu drydan gall y Swyddfa Credyd Treth gynnig cyfnod hirach i chi dalu drwy newid y gyfradd yr ydych yn talu'r arian yn ôl. Os bydd y Swyddfa Credyd Treth yn gwneud hyn, bydd yn cymryd mwy o amser i dalu'r gordaliad yn ôl.

Ffoniwch y Llinell Gymorth Credyd Treth ar 0845 300 3900 neu'r ffôn testun 0845 300 3909 i gael gwybod beth yw eich opsiynau.

• Trafferthion wrth geisio ad-dalu eich credydau treth sydd wedi'u gordalu? Opens new window

Os nad ydych yn dal i gael credydau treth

Efallai na fyddwch yn gallu hawlio credydau treth ar gyfer y flwyddyn dreth hon. Efallai mai'r rheswm am hyn yw oherwydd:

• bod eich amgylchiadau wedi newid
• nad ydych wedi adnewyddu eich credydau treth
• bod eich dyfarniad credyd treth wedi dod i ben - os, er enghraifft, ydych wedi gwahanu oddi wrth eich partner

Os ydych wedi cael gormod o arian ac nad ydych yn cael credydau treth bellach, bydd y Swyddfa Credyd Treth yn gofyn am daliad uniongyrchol gennych - un taliad ar gyfer y swm llawn.

Bydd y Swyddfa Credyd Treth yn gofyn i chi wneud hyn hyd yn oed os ydych yn cael dyfarniad arall o gredydau treth ar gyfer teulu newydd.

Gwneud taliad uniongyrchol

Bydd y Swyddfa Credyd Treth yn anfon Datganiad Cyfrif atoch yn rhoi manylion y gordaliad. Byddwch hefyd yn cael Hysbysiad i Dalu a fydd yn cynnwys slip talu er mwyn i chi dalu'n ôl. Bydd angen i chi dalu y Swyddfa Credyd Treth o fewn 30 diwrnod.

Beth os na allaf dalu o fewn 30 diwrnod?

Os na allwch dalu y Swyddfa Credyd Treth o fewn 30 diwrnod, gallwch drefnu i dalu'r arian yn ôl dros 12 mis.

Os bydd angen mwy o amser arnoch eto i dalu, cysylltwch â’r Swyddfa Credyd Treth fel gallant drafod eich opsiynau gyda chi. Efallai y bydd y Swyddfa Credyd Treth yn gallu:

• lledaenu'r ad-daliad dros gyfnod hwy
• symud y dyddiad y byddant yn dechrau casglu'r arian sy'n ddyledus iddynt yn ôl

I gael rhagor o wybodaeth ffoniwch y Llinell Gymorth Taliadau Credyd Treth ar 0845 302 1429 cyn gynted â phosibl. Bydd y Swyddfa Credyd Treth yn gwneud penderfyniad ar sail eich amgylchiadau.

• Sut i wneud ad-daliadau credyd treth Opens new window

Ad-dalu gordaliad os ydych wedi gwahanu oddi wrth eich partner

Os ydych yn byw gyda phartner, mae'n rhaid i chi wneud cais am gredydau treth ar y cyd, sy'n golygu bod y ddau ohonoch yn gyfrifol am dalu unrhyw ordaliad yn ôl. Bydd y Swyddfa Credyd Treth yn ysgrifennu at y ddau ohonoch yn rhoi gwybod i chi am y gordaliad.

Os ydych wedi gwahanu oddi wrth eich partner mae'n rhaid i chi ddweud wrth y Swyddfa Credyd Treth cyn gynted â phosibl oherwydd bydd unrhyw gais am gredydau treth ar y cyd yn dod i ben. Ni ellir casglu gordaliad o unrhyw gais newydd am gredydau treth, felly bydd yn rhaid gwneud taliad uniongyrchol - un taliad ar gyfer y swm llawn. Os nad oes gan y Swyddfa Credyd Treth gyfeiriad ar gyfer un ohonoch, byddwn yn ceisio sicrhau dod o hyd i un.

Gallwch chi a'ch cyn bartner gytuno rhyngoch i dalu symiau gwahanol. Er enghraifft:

• bod y ddau ohonoch yn talu hanner
• bod y ddau ohonoch yn talu symiau gwahanol
• bod un ohonoch yn talu'r swm llawn

Oni fydd y cytundeb hwn yn gweithio, bydd y Swyddfa Credyd Treth yn gofyn i'r ddau ohonoch dalu hanner y swm.

• Yr ydych wedi gwahanu ac y mae gennych ordaliad credydau treth ar y cyd Opens new window

Gallwch wneud cais newydd fel person sengl neu gyda phartner newydd ond mae'n rhaid i chi gysylltu â’r Swyddfa Credyd Treth i wneud hynny. Ni allant leihau taliadau eich cais newydd er mwyn casglu gordaliad o ddyfarniad cynharach yn ôl. Bydd yn rhaid i chi wneud taliad uniongyrchol - un taliad ar gyfer y swm llawn

• Credydau treth pan fydd eich partner yn gadael neu pan fydd partner newydd yn symud i mewn Opens new window

Cysylltu â’r Swyddfa Credyd Treth

Gallwch gysylltu â'r Llinell Gymorth Credydau Treth ar 0845 300 3900 neu ffôn testun 0845 300 3909 (ar agor rhwng 8.00 am a 8.00 pm, saith diwrnod yr wythnos ac eithrio ar Ddydd Nadolig, Gŵyl San Steffan, a Dydd Calan).

Os ydych yn ffonio o'r tu allan i'r DU gallwch gysylltu â’r Swyddfa Credyd Treth ar +44 289 053 8192.

Mwy o ddolenni defnyddiol

• Sut i osgoi cael gormod o gredydau treth Opens new window

• Sut i wrthwynebu gordaliad credydau treth Opens new window

• Download taflen Cyllid a Thollau EM ‘Beth fydd yn digwydd os byddwn wedi talu gormod o gredyd treth i chi?’ (dogfen PDF, 97K) Opens new window

• Cymorth gyda ffeiliau PDF