Gwefan llywodraeth y DU

Diogelwch

Mae llawer o'n traethau wedi ennill gwobr am eu bod yn cael eu rheoli'n dda, am eu bod yn lân ac yn ddiogel. Maent yn cynnig lle braf i wneud gweithgareddau yn yr awyr agored, tripiau dydd a gwyliau. Ond nid yw diogelwch yn rhywbeth y dylech ei gymryd yn ganiataol wrth ymweld ag ardaloedd arfordirol. Er mwyn sicrhau eich bod yn ddiogel wrth ymyl y môr, dilynwch gyngor y Sefydliad Badau Achub Brenhinol Cenedlaethol. A chofiwch edrych ar ragolygon y tywydd cyn mynd.

Efallai y bydd y dolenni canlynol yn ddefnyddiol:

• Rhagolygon y tywydd ar gyfer y DU Opens new window

• Diogelwch ar y traeth gan Sefydliad Brenhinol Cenedlaethol y Badau Achub Opens new window

• Diogelwch ar y môr gan Sefydliad Brenhinol Cenedlaethol y Badau Achub Opens new window

Arfordiroedd treftadaeth

Mae'r arfordiroedd treftadaeth yn lannau arbennig sy'n cael eu rheoli fel bod eu harddwch naturiol yn cael ei warchod a, lle bo hynny'n briodol, cânt eu gwneud yn haws i ymwelwyr eu cyrraedd. Mae ychydig dros 1,000 o gilomedrau, neu 33% o arfordir golygfaol Lloegr wedi'i ddynodi'n arfordir treftadaeth.

Gallwch gyrraedd yr arfordiroedd hardd hyn yn hawdd drwy rwydwaith o lwybrau cyhoeddus a llwybrau ceffylau. Mae Llwybr Cenedlaethol Arfordirol De Orllewin Lloegr er enghraifft, yn rhoi mynediad i dros 600 o filltiroedd o arfordir.

Mae Natural England yn helpu i reoli arfordir Lloegr a gallwch leoli arfordiroedd treftadaeth ar ei gwefan.

Mae gan wefan yr Ymddiriedolaeth Genedlaethol hefyd dudalennau ar arfordiroedd sy'n llawn syniadau a gwybodaeth am le i fynd a beth i'w wneud.

• Arfordir treftadaeth - gwybodaeth am Natural England Opens new window

• Uchafbwyntiau arfordir a chefn gwlad gan yr Ymddiriedolaeth Genedlaethol Opens new window

Traethau

Mae llawer o draethau'r DU yn berchen i awdurdodau lleol er mwyn i'r cyhoedd gael eu defnyddio. Gallwch ymweld â'r traethau hyn bob amser, er na chaiff rhai gweithgareddau, fel gwersylla, gyrru neu gynnau tanau, eu caniatáu. Ceir rhai traethau preifat hefyd sydd ar gau i'r cyhoedd yn gyffredinol.

Dylai bod gan gynghorau lleol a Chanolfannau Croeso wybodaeth am draethau yn eu hardal.

Gallwch hefyd ddefnyddio Gwobrau Glan y Môr ENCAMS i ddod o hyd i draethau glân a diogel. ENCAMS yw'r asiantaeth genedlaethol er atal sbwriel. Mae'n cynnal gwobr y Faner Las ar gyfer traethau sy'n bodloni meini prawf penodol o ran glanweithdra, diogelwch a safon y dŵr. Mae rhestr o'r traethau hyn sy'n cael dangos y faner i'w gweld ar wefan ENCAMS. Gallech hefyd edrych ar dudalennau Traethau Da Cymdeithas Gwarchod y Môr.

• Dod o hyd i’ch cyngor leol

• Dod o hyd i Ganolfan Groeso Opens new window

• Cael gwybod mwy am wobrau Glan y Môr ENCAMS Opens new window

• Dod o hyd i draeth y Faner Las Opens new window

• Canllaw i Draethau Da gan Gymdeithas Gwarchod y Môr Opens new window

Natur a bywyd gwyllt

Mae arfordir Prydain yn gartref i amrywiaeth enfawr o fywyd gwyllt, o ddolffiniaid trwyn potel a heulforgwn i gwrelau a chramenogion. Mae ein clogwyni môr a'n creigiau arfordirol garw hefyd yn lleoedd nythu delfrydol i wylanod ac adar eraill y môr. Dylech gadw llygad hefyd am:

• adar hirgoes ar hyd y draethlin
• bywyd mrol rhyng-lanw, fel crancod, llygaid meheryn a physgod bach, mewn pyllau rhwng y creigiau
• sêr môr a slefrenni môr ar draethau
• morloi yn agos i'r lan

Byddwch yn gweld bywyd gwyllt gwahanol mewn ardaloedd arfordirol gwahanol, ond beth bynnag rydych yn chwilio amdano, cofiwch adael y cynefinoedd pwysig hyn fel y'u cawsoch nhw.

Gellir cael mwy o wybodaeth am adar ar wefan y Gymdeithas Frenhinol er Gwarchod Adar (RSPB), ac mae mwy o fanylion am fywyd gwyllt arall yr arfordir ar gael gan yr Ymddiriedolaeth Bywyd Gwyllt

• Gwybodaeth am adar y môr gan RSPB Opens new window

• Dod o hyd i'ch Ymddiriedolaeth Bywyd Gwyllt leol Opens new window

• Mwy o wybodaeth am fywyd gwyllt yr arfordir Opens new window

Mwy o ddolenni defnyddiol

• Ymweld â mannau diddorol os oes gennych anabledd (adran pobl anabl)

• Teithio a gwyliau yn y DU (adran pobl anabl)

• Teithio o gwmpas yn y DU