Gwefan llywodraeth y DU

Sut y gall y Gwasanaeth Hunaniaeth Cenedlaethol eich helpu i ddiogelu eich manylion personol

Gan y bydd y Gofrestr Hunaniaeth Genedlaethol yn cadw manylion bywgraffyddol a biometrig perchennog y cerdyn adnabod yn ddiogel, mae'n gallu rhoi cadarnhad i chi mai chi yw perchennog cyfreithlon cofnod o hunaniaeth.

Gan mai eich nodweddion corfforol unigryw chi fydd wedi'u cofnodi, bydd hi'n llawer anoddach i'r rheini sy'n bwriadu dwyn eich manylion personol eich dynwared os ydych wedi'ch cofrestru ar y Gofrestr Hunaniaeth Genedlaethol. Bydd unrhyw un sy'n ceisio creu ail hunaniaeth yn eich enw yn cael trafferthion gan eich bod eisoes ar y Gofrestr Hunaniaeth Genedlaethol.

• Beth yw'r Gwasanaeth Hunaniaeth Cenedlaethol?

Osgoi achosion o ddwyn manylion personol a thwyll hunaniaeth

Drwy ddefnyddio rhai o'ch manylion personol, gall troseddwyr wneud cais am gyfrifon banc, cardiau credyd, budd-daliadau a dogfennau swyddogol gan ddefnyddio eich manylion personol.

Gallwch helpu i ddiogelu eich manylion personol drwy wneud y canlynol:

• rhwygo eich holl fanylion personol yn ddarnau mân cyn eu taflu i'r sbwriel; mae hyn yn cynnwys unrhyw beth sy'n cyfeirio at eich cyfrifon banc, manylion Yswiriant Gwladol, gwybodaeth am eich cyflog a hen gardiau aelodaeth hyd yn oed
• torri a chael gwared ar yr enw a'r cyfeiriad ar yr amlenni a gewch
• dileu negeseuon e-bost sy'n edrych yn amheus a sicrhau bod gennych raglen mur cadarn wedi'i gosod ar eich cyfrifiadur a'ch bod yn diweddaru eich meddalwedd gwrth-feirws
• peidio byth â rhoi eich gwybodaeth bersonol yn rhywle y gall rhywun arall eich clywed yn gwneud hyn
• rhoi gwybod i'ch cwmnïau gwasanaethau, eich awdurdod lleol (ar gyfer y Dreth Gyngor a'r Gofrestr Etholiadol), a darparwyr gwasanaeth pan rydych yn symud tŷ

• Cyngor ar ddwyn manylion personol Opens new window

Cadw eich manylion personol i chi'ch hun

Dim ond os byddwch chi'n penderfynu eich hun eich bod am rannu eich manylion personol y dylech wneud hynny. Ni fydd hyd yn oed eich banc yn gofyn i chi am eich rhif PIN neu gyfrinair eich cyfrif ar-lein; ac ni fydd dim manwerthwr ar-lein y gellir ymddiried ynddo na safle arwerthu yn gwneud hyn chwaith. Cofiwch:

• peidiwch â rhoi eich manylion personol i rywun sy'n eich ffonio, fel eich dyddiad geni neu enw eich mam cyn priodi
• dylech bob amser ddileu negeseuon e-bost yn gofyn i chi 'ddiweddaru' manylion eich cyfrif banc (gall twyllwyr ddwyn brand enwau'r stryd fawr a bydd y negeseuon e-bost hyn yn aml yn ymddangos fel rhai go iawn)

Monitro eich adroddiad credyd

Gallwch archebu eich adroddiad credyd. Mae gan unrhyw un sydd wedi cofrestru i gael cerdyn credyd, neu gael benthyciad neu forgais, ffeil credyd yn un o'r tair prif asiantaeth archwilio credyd. Mae hyn yn cynnwys manylion mudiadau yr ydych wedi ymwneud â nhw'n ariannol yn ystod y blynyddoedd diweddar. Mae adroddiad credyd statudol yn costio £2. Pan gewch eich adroddiad, darllenwch ef yn ofalus. Os byddwch yn sylwi ar rywbeth nad yw'n gyfarwydd, cysylltwch â'r asiantaeth archwilio credyd berthnasol.

Rhoi gwybod am bost sydd ar goll

Os credwch fod rhywun wedi atal neu ddwyn eich post, cysylltwch â'r Post Brenhinol. Gallwch roi'r manylion ar wefan y Post Brenhinol, neu siarad â chynghorydd gwasanaethau cwsmeriaid ar 08457 740 740. Byddant yn cyfeirio eich ymholiad i uned ymchwilio a fydd yn ymdrin â'ch ymholiad. Gallwch drefnu i'r Post Brenhinol ailgyfeirio eich post am hyd at flwyddyn - hyd yn oed os byddwch yn symud dramor.

• Post Brenhinol - rhoi gwybod am bost hwyr neu bost sydd ar goll Opens new window

Sut byddaf yn gwybod a yw fy manylion personol wedi'u dwyn?

Dyma rai arwyddion posib bod rhywun wedi dwyn eich manylion personol:

• taliadau anarferol neu daliadau debyd uniongyrchol yn ymddangos ar eich cyfriflenni banc
• post pwysig yn mynd ar goll - i fod yn siŵr, dylech wybod pryd rydych yn disgwyl cyfriflen banc neu siec newydd. Oni fydd yn cyrraedd, rhowch wybod i'ch banc
• bod rhywun wedi ymyrryd â chynnwys eich biniau ailgylchu a'ch biniau sbwriel
• biliau'n cyrraedd am bethau nad ydych wedi'u prynu neu am wasanaethau nad ydych wedi'u harchebu
•