Gwefan llywodraeth y DU

Mae Pob Gweithred yn Cyfri

Bydd Mae Pob Gweithred yn Cyfri yn cynnig cymorth i grwpiau cymunedol a chlybiau, gan eich helpu i weithredu er mwyn yr amgylchedd. Ar wefan Mae Pob Gweithred yn Cyfri (Every Action Counts), fe welwch y rhain:

• Mae pob gweithred yn cyfri Opens new window

Dweud eich dweud - cynllunio, tai a'ch amgylchedd lleol

Drwy fod yn rhan o grwpiau cymunedol, cewch lawer o gyfleoedd i gael eich cynnwys mewn penderfyniadau lleol ynghylch yr ardal yr ydych yn byw ynddi, a gallwch gael cyfle i leisio'ch barn am ddatblygiadau newydd - fel meysydd glas agored, ffyrdd neu safleoedd diwydiannol newydd.

Cynlluniau a ddatblygir yn lleol mewn partneriaeth â sefydliadau cyhoeddus, preifat a gwirfoddol yw Strategaethau Cymunedau Cynaliadwy. Mae sefydliadau cymunedol a busnesau lleol hefyd yn gysylltiedig â nhw.

Bydd Cynlluniau Plwyf yn ymdrin â materion cymdeithasol, economaidd, ac amgylcheddol sy'n berthnasol i'ch ardal leol. Fel grŵp cymunedol mae gennych gyfle i ddylanwadu ar eich Cynllun Plwyf lleol a sut y rheolir eich gwasanaethau a'ch ardal yn lleol. Gallwch hefyd gymryd rhan mewn ymgynghoriadau ynghylch datblygiadau lleol.

• Cynlluniau Plwyf ar wefan Defra Opens new window

• Strategaethau Cymunedau Cynaliadwy - cael gwybod mwy Opens new window

• Y system gynllunio (adran cartref a chymuned)

Y pethau y gall grwpiau a chlybiau eu gwneud gyda'i gilydd i fod yn fwy gwyrdd

Os ydych yn rhan o grŵp, gallwch wneud pethau ar raddfa fwy. 

Mae nifer o gamau y gallwn eu cymryd o ddydd i ddydd i leihau'r effaith a gawn ar yr amgylchedd, megis ailgylchu mwy, arbed ynni neu ddefnyddio llai ar y car. Os ydych yn rhan o grŵp, gallwch wneud pethau ar raddfa fwy, a chael mwy o ddylanwad. Er enghraifft, gallech godi ymwybyddiaeth am faterion yn ymwneud â'r amgylchedd er mwyn cael mwy o bobl i weithredu, neu gallech ddylanwadu ar eich cyngor lleol i gael mwy o newidiadau'n digwydd ar raddfa fwy. 

Os ydych chi'n aelod o glwb neu grŵp cymunedol gallwch wneud nifer o bethau syml i'w gwneud yn fwy gwyrdd. Mae’r rhain yn cynnwys:

Bwyd a diod

Mae bwyd yn cael effaith fawr ar yr amgylchedd, ond gallai'r camau canlynol helpu:

• anogwch eich grŵp neu'ch clwb i gyflenwi bwyd ffres, tymhorol, Masnach Deg, neu a gynhyrchwyd gyda pharch tuag at fyd natur a'r amgylchedd
• defnyddiwch gwpanau neu wydrau yn hytrach na chwpanau taflu-i-ffwrdd
• defnyddiwch fin compost ar gyfer gwastraff cegin, neu trefnwch iddo gael ei gasglu
• dylech annog ail-gylchu gwastraff fel papur a phlastig
• tyfwch eich bwyd eich hun gyda'ch gilydd mewn gardd gymunedol

Teithio

Gall newid y ffordd y bydd aelodau'r clwb neu'r grŵp yn teithio leihau effeithiau newid yn yr hinsawdd a llygredd aer yn lleol. Dyma rai pethau i'w hystyried:

• gallech gerdded, seiclo neu ddefnyddio cludiant cyhoeddus
• rhannwch gar yn hytrach na gyrru ar eich pen eich hun
• trefnwch fod lle diogel ar gael i gadw beiciau

Cynlluniau a allai eich helpu

Y Gymuned yn Gweithredu dros Ynni (CAfE)

Mae'r Ymddiriedolaeth Arbed Ynni yn cynnal rhaglen ar gyfer grwpiau cymunedol. Mae CAfE wedi'i chynllunio i hyrwyddo a chefnogi prosiectau arbed ynni lleol yn y gymuned. Mae CAfE wedi'i anelu at grwpiau lleol sydd eisiau gweld mwy o ynni'n cael ei arbed, a gwell ansawdd bywyd yn eu cymunedau. Mae'r wefan isod yn rhoi mwy o wybodaeth, gan gynnwys ble gallwch ddod o hyd i nawdd a ble i gael hyfforddiant.

Eco-Dimau

Cynhelir prosiect Eco-Dimau gan sefydliad a elwir yn Gynllun Gweithredu Byd-eang. Maent yn dod â grŵp o bobl ynghyd i wneud newidiadau bychain er mwyn lleihau eu heffaith ar yr amgylchedd. Gall gwefan y Cynllun Gweithredu Byd-eang ddweud mwy wrthych am sut i sefydlu Eco-Dîm (codir tâl am y deunyddiau).

Rhwydwaith Gweithredu yn y Gymuned

Mae'r Rhwydwaith Gweithredu yn y Gymuned yn rhoi cefnogaeth i entrepreneuriaid cymdeithasol a mentrau cymdeithasol.

• Y Gymuned yn Gweithredu dros Ynni Opens new window

• Mwy am Eco-Dimau Opens new window

• Rhwydwaith Gweithredu yn y Gymuned Opens new window