Gwefan llywodraeth y DU

Ffyrdd o ymgynghori â chi

Mae gan gyflogwr ddwy ffordd o ymgynghori â chi ynghylch dileu swydd:

Ymgynghori ar y cyd

Os yw'ch cyflogwr yn bwriadu dileu swyddi 20 neu fwy o weithwyr o fewn cyfnod o 90 diwrnod, dylai ymgynghori â'ch undeb llafur (neu gynrychiolydd etholedig y gweithwyr os nad oes gennych undeb) cyn y rhoddir rhybudd i neb.

Dylai'r ymgynghori gynnwys ffyrdd o osgoi sefyllfa o ddileu swyddi, a sut i gadw'r nifer a ddiswyddir cyn ised â phosibl a lleihau i'r eithaf yr effeithiau ar y rhai a ddiswyddir (e.e. drwy gynnig ailhyfforddiant). Dylai hyn ddigwydd o leiaf 30 diwrnod cyn y bydd y swyddi'n cael eu dileu neu 90 diwrnod os effeithir ar fwy na 100 o weithwyr.

Os na fydd hyn yn digwydd, gallwch chi (neu eich cynrychiolydd) fynd â'ch cyflogwr i Dribiwnlys Cyflogaeth, a all ddyfarnu hyd at 90 diwrnod o dâl yn iawndal i bob gweithiwr.

• Mwy am sut i ddatrys problem yn y gwaith

Ymgynghoriad unigol

Dylai eich cyflogwr wastad ymgynghori â chi yn unigol. Bydd hyn fel arfer yn cynnwys:

Os na fydd hyn yn digwydd, efallai fod eich diswyddiad oherwydd dileu swydd yn annheg.

• Cael gwybod mwy am ddiswyddo annheg

Ble i gael cymorth

Mae'r Gwasanaeth Cynghori, Cymodi a Chyflafareddu (Acas) yn cynnig cyngor cyfrinachol a diduedd am ddim am bob mater sy'n ymwneud â hawliau cyflogaeth. Fe allwch chi ffonio llinell gymorth Acas ar 08457 47 47 47 rhwng 8.00 am a 6.00 pm o ddydd Llun i ddydd Gwener.

• Acas Opens new window

Mae’r Asiantaeth Cysylltiadau Llafur (LRA) yn cynnig cyngor cyfrinachol a diduedd am ddim am bob mater sy'n ymwneud â hawliau cyflogaeth i bobl sy'n byw yng Ngogledd Iwerddon. Gallwch gysylltu â'r LRA ar 028 9032 1442 rhwng 9.00 am a 5.00 pm o ddydd Llun i ddydd Gwener.

• Asiantaeth Cysylltiadau Llafur Opens new window

Gall eich Canolfan Cyngor Ar Bopeth (CAB) lleol gynnig cyngor diduedd am ddim. Gallwch ddod o hyd i'ch swyddfa CAB leol yn y llyfr ffôn neu ar-lein.

• Dod o hyd i'ch Canolfan Cyngor ar Bopeth leol Opens new window

Os oes gennych amheuon ynghylch y ffordd y mae'ch cyflogwr wedi cyfrifo'ch tâl dileu swydd statudol, gallwch ffonio'r Llinell Gymorth Taliadau Dileu Swydd ar 0845 1450 004.

Mwy o ddolenni defnyddiol

• Canllawiau manwl am hysbysu ac ymgynghori ynghylch dileu swyddi gan yr Adran Busnes, Menter a Diwygio Rheoleiddio (BERR) Opens new window

• Canllawiau manwl am ddileu swyddi gan yr Adran Cyflogaeth a Dysgu (Gogledd Iwerddon) Opens new window

• Find out more about insolvency Opens new window

• Ansolfedd - cael gwybod rhagor Opens new window

• Cyngor i gyflogwyr am ddileu swyddi gan Business Link Opens new window

• Cyngor i gyflogwyr yng Ngogledd Iwerddon am ddileu swyddi gan nibusinessinfo Opens new window