Gwefan llywodraeth y DU

Y Fargen Newydd

Nod y Fargen Newydd yw eich helpu i ddod o hyd i swydd os ydych yn ddi-waith. Cewch y cyfle i hyfforddi, dysgu a gwneud profiad gwaith er mwyn i chi:

• dod yn fwy hyderus
• meithrin sgiliau newydd
• bod yn fwy gwerthfawr i bobl sy’n chwilio am staff
• dod o hyd i waith a’i gadw

Yn dibynnu ar eich amgylchiadau, efallai y bydd yn rhaid i chi gymryd rhan yn y Fargen Newydd. Os bydd angen i chi gymryd rhan a’ch bod yn gwrthod, gallech golli budd-daliadau. Dilynwch y ddolen ‘Pryd mae’n rhai i chi gymryd rhan yn y Fargen Newydd’ am ragor wybodaeth.

• Pryd mae’n rhaid i chi gymryd rhan yn y Fargen Newydd

O fis Hydref 2009, bydd rhaglen bresennol y Fargen Newydd yn cael ei disodli gan raglen wahanol o’r enw 'Y Fargen Newydd Hyblyg' yn yr ardaloedd canlynol:

 Cymru

• Cymru gyfan

Lloegr

• Canol Llundain, Lambeth, Southwark a Wandsworth
• Dyfnaint a Chernyw
• Dwyrain Canolbarth Lloegr
• Manceinion Fwyaf
• Caint, Surrey a Sussex
• Norfolk, Swydd Gaergrawnt a Suffolk
• Gogledd, Dwyrain a De Swydd Efrog a’r Humber
• Dyffryn Tees
• Gorllewin Canolbarth Lloegr

Yr Alban

• Swydd Aeron, Dumfries, Galloway ac Inverclyde
• Caeredin, Lleuddiniawn a’r Gororau
• Swydd Lanark a Dwyrain Swydd Dunbarton

Dilynwch y ddolen 'Y Fargen Newydd Hyblyg' i gael rhagor o wybodaeth.

• Y Fargen Newydd Hyblyg

Mae rhai o raglenni’r Fargen Newydd yn wirfoddol a, cyn belled â’ch bod yn gymwys, gallwch benderfynu cymryd rhan neu beidio. Gallwch gael manylion am bob rhaglen drwy ddefnyddio’r ddolenni isod.

• Y Fargen Newydd ar gyfer Pobl Anabl

• Y Fargen Newydd ar gyfer Rhieni Unigol

• Y Fargen Newydd ar gyfer Partneriaid

• Y Fargen Newydd 50 oed a throsodd

Gwneud i waith dalu

Un o nodau’r Fargen Newydd a’r Fargen Newydd Hyblyg yw sicrhau eich bod yn well eich byd mewn gwaith nag y byddech ar fudd-daliadau. Bydd eich ymgynghorydd personol yn gallu eich helpu i weithio allan pa gyflog sydd ei angen arnoch o swydd heb i chi golli allan.

Sut y bydd gwaith yn effeithio ar fy mudd-dal?

Os dewch o hyd i waith drwy’r Fargen Newydd neu’r Fargen Newydd Hyblyg, mae rhai budd-daliadau y gallwch barhau i’w cael. Bydd eich ymgynghorydd personol yn gallu rhoi gwybodaeth i chi amdanynt.

Cysylltwch â’r Ganolfan Byd Gwaith i gael rhagor o wybodaeth am y Fargen Newydd a’r Fargen Newydd Hyblyg

• Dewch o hyd i'ch swyddfa Canolfan Byd Gwaith leol Opens new window

Credydau treth

Os ydych yn dod o hyd i swydd a’ch bod yn ennill cyflog isel, efallai y byddwch yn gallu cael credydau treth. Os byddwch yn gymwys, gallech gael rhagor o arian.

• Beth yw credydau treth? (adran arian, treth a budd-daliadau)