Gwefan llywodraeth y DU

Pwy sydd yn gymwys i gael y Grant Dysgu i Oedolion?

Er mwyn cael y Grant Dysgu i Oedolion, rhaid i chi fod yn 19 neu'n hŷn, ac yn astudio yn Lloegr.

Gall eich dewis o gwrs a'ch incwm bennu a ydych yn gymwys hefyd.

Cyrsiau sy'n gymwys ar gyfer y Grant Dysgu i Oedolion

Rhaid i'r cwrs yr ydych yn ei ddilyn arwain at eich cymhwyster Lefel 2 neu Lefel 3 llawn cyntaf er mwyn i chi fod yn gymwys ar gyfer y Grant Dysgu i Oedolion.

Rhaid i chi hefyd fod yn astudio ar sail amser llawn - o leiaf 12 awr yr wythnos (sy'n cyfateb i 450 awr o 'ddysgu dan arweiniad' y flwyddyn, neu 150 awr y tymor) - a mynychu'r coleg yn rheolaidd.

Yn olaf, rhaid i chi ddilyn y cwrs gyda darparwr dysgu a ariennir gan y Cyngor Dysgu a Sgiliau. Gofynnwch i'ch coleg os nad ydych yn siŵr.

Yn ansicr ynghylch ai Lefel 2 neu Lefel 3 yw'ch cwrs?

Mae cymwysterau Lefel 2 yn gyfystyr â phump TGAU neu fwy gyda graddau A* i C, neu NVQ lefel 2. Mae cymwysterau Lefel 3 yn gyfystyr â dau gymhwyster Safon Uwch neu NVQ lefel 3.

Os ydych yn ansicr ynghylch lefel eich cwrs, gofynnwch i'ch darparwr dysgu neu cysylltwch â'r Gwasanaeth Cyngor Gyrfa ar 0800 100 900.

• Cymwysterau: beth yw ystyr y gwahanol lefelau

Eich incwm a'ch budd-daliadau

I gael Grant Dysgu i Oedolion, ni ddylech fod wedi ennill mwy na'r trothwy incwm yn ystod y flwyddyn ariannol ddiwethaf.

Y trothwy ar hyn o bryd yw:

• llai na £19,513 os ydych yn sengl
• incwm ar y cyd sy'n llai na £30,810 os ydych yn byw gyda phartner

Mae'r trothwy incwm yn seiliedig ar eich incwm gros – eich incwm cyn tynnu treth a didyniadau eraill.

Ydych chi'n cael unrhyw fudd-daliadau?

Ni fyddwch yn gymwys i gael y Grant Dysgu i Oedolion os ydych yn hawlio budd-daliadau diweithdra megis Lwfans Ceisio Gwaith neu Gymhorthdal Incwm.

Fodd bynnag, ni fydd y rhan helaeth o'r mathau eraill o gymorth ariannol sydd ar gael yn gwneud dim gwahaniaeth o ran a allwch chi gael Grant Dysgu i Oedolion ai peidio.

Gallwch wneud cais hyd yn oed os ydych chi'n gweithio'n rhan-amser – ac os ydych chi'n hawlio'r rhan fwyaf o fudd-daliadau 'mewn gwaith', fel Bwrsarïau Addysg i Oedolion, Credyd Treth Gwaith a Chredyd Treth Plant.

Ond ceir rhai eithriadau – edrychwch ar ‘Y Grant Dysgu i Oedolion a'ch budd-daliadau’ i gael manylion.

• Y Grant Dysgu i Oedolion a'ch budd-daliadau

Y cam nesaf: cael gwybod faint allech chi ei gael

Os ydych chi'n gymwys i gael y Grant Dysgu i Oedolion, canfyddwch faint allech chi ei gael.

• Y Grant Dysgu i Oedolion: faint gewch chi