Os ydych chi neu'ch partner yn derbyn budd-dal incwm isel a bod angen help arnoch tuag at gostau angladd, mae'n bosib y gallwch gael Taliad Angladd.
Ewch i wefan y Ganolfan Byd Gwaith i gael gwybodaeth am Daliadau Angladd, gan gynnwys pwy all wneud cais am un, tuag at pa gostau y gallai'r taliad fod o gymorth, a sut i wneud cais am un.
Gallwch wneud cais unrhyw adeg wedi'r dyddiad y bu'r person farw a hyd at dri mis wedi dyddiad yr angladd.
Gallwch lwytho'r ffurflen hawlio ar fformat PDF. Mae nodiadau gyda'r ffurflen i'ch helpu i'w llenwi ac i ddweud wrthych i ble y dylech ei hanfon.
Bydd angen copi o Adobe Reader arnoch i weld y ffurflen. Ceir gwybodaeth am sut i lwytho hwn am ddim ar banel de'r dudalen hon.